Niolomay ny mponin’Antananarivo androany ! Inona no mitranga ?
Tahaka izao no endrika nasehon’Ingahibe masoandro, sahabo tamin’ny 10 ora 30 hatramin’ny 12 ora latsaka kely. Azonao alehibeazina ny sary; tsindrio fotsiny hihihi -clik havia an!
 |
| Toy izao ny fisehony tamin’ny 10ora30…. |
Samy nanana ny fandraisany izao tranga izao avy ny olona. Mampihomehy indraindray ny anehoany izany.
Ao no tsy taitra akory : efa mpiseho izao endriky ny masoandro izao kah. Tsy atao mahagaga.
Ao no matahotra : sao dia fambara loza ?
Hita ihany koa ireo mpamazivazy, tahaka ireto tovolahy miresaka amina mpivarotra sambosa iray (namany ihany angamba) hoe : hitan’ialahy io masoandro io ? raha tsy ajanon’ialahy ny fivarotana sambosan’ialahy io dia izao no ataon’ny masoandro !
Dia sady lokilokin’ny hehy ry zareo no manondro ny lanitra !
Nisy rangahy iray izay indray, dia ny fisehoan’ny volana sy ny kintana tamin’ny taona 2008 no notsaroany teo am-pahitana ny masoandro. Tamin’izay fotoana izay tokoa manko, nahagaga ny maro ny fahitana ny volana voahodidina kintana roa mazava tsara, andaniny sy ankilany.
Dia naresaka tokoa aloha ny teny an-dalambe androany an !
 |
| …dia toy izao tamin’ny 11h16… |
Hatreto aloha dia tsy mbola nahenoina filazam-baovao manokana momba izao endriky ny masoandro izao, fa samy revo amin’ny asany ny daholobe.
 |
| ….efa niharava ilay faribolana tamin’ny 11h51…. |
Azo lazaina fa nahatsikaritra io tranga manokana io avokoa ny olona mivezivezy tany an-dalambe, fa samy nanohy ihany koa ny fitadiavany.
 |
| Miolomay hatrany ny olona eny an-dalana…. |
Marihina fa nigaingaina ny andro nandritra ny fisehoan’ny masoandro tahaka io. Ny tolakandro kosa dia nisy oram-baratra kely teto Iarivo.
Izay indray aloha ny androany, resa-be sy vazivazy isan-karazany avy aty Dago, hoy ireo Malagasy any an-dafin’ny Riaka.
Soava, tsarà rey olona ô. Samia tahian’Andriamanitra isika an ! :-)
Pssst ! ATO ny fanazavana siantifika hihihi
Aucun commentaire:
Enregistrer un commentaire