Mahatsikaiky tokoa ny fandehanana amin’ireo fitateram-bahoaka eto Antananarivo. Dia ahitana karazana olona, sady ahenoana hira, resaka, fiainana samihafa e ! Raha sendra fitohanan’ny fifamoivoizana aloha, dia mahafak’andro tokoa an !
 |
Ndryyy ity reniakoho mpiaro fatratra ny zanany ô… |
Omaly izao dia mpampiady akoholahy no sendra ahy. Ny iray, mitantara ny fanambakàna saika nahazo azy, ny andaniny kosa mimenomenona amin’ny akohony tsy mahafa-po.
Hoy ity voalohany : "Akoho hafa no nentin’ilery taty amiko fa tsy ilay novidiako ! Tsy matoky an’iny intsony aho"
Hoy indray ity faharoa : "Ny ahy ilay akohoko iny efa tsy mahavoa, fa hohaniko ! Htaoko laoka amin'ny alahady fa tsss... !"
Taitra ilay voalohany ka nanontany : "An ? Sao dia tokony hovidiako izany fa aza hohanina !"
Dia hoy itsy : "Sssh, akoho efa tss… Ataonao hoatrinona anefa ?"
--An-an ! Amidinao hoatrinona ? Ianao izao no mahafantatra koh…
++Ianao no hividy koh ! Hoatrinona hoy ianao ?
--Aaa… manao ahoana raha vingt-cinq ?
++(Mihomehy) Sao dia vidin’ny hena fotsiny izany ?
Farany ho’aho, tonga amin’ny alehany ka nidina ny fiara iry mpividy akoho, nanombana hoe 15 000 Ar (soixante-qunze hoy izy) sady nihomehy. Dia asa izay fotoana mbola hanohizan-dry zareo ny varotra !
Ilay saika hihinana ny akoholahy mpiady tena tsy faly amin’ilay akohony mihitsy angamba ô ?
Aucun commentaire:
Enregistrer un commentaire